Te Barcelona janë të vetëdijshëm që epokës së Robert Lewandowski-t, tashmë 36 vjeç, po i vjen fund, edhe pse polaku po tregon nivel të lartë me paraqitjet e tij këtë sezon.
Katalanasit e kanë gjetur pasardhësin ideal të polakut. Bëhet fjalë për Alexandër Isak, sulmuesi i Newcastle që po shkëlqen këtë sezon ku ka shënuar 15 gola dhe ka dhënë 4 asiste në 22 javë në Premier League.
Aftësia e tij për të krijuar rrezik me dhe pa top, si dhe shkathtësia taktike, e bëjnë atë profilin ideal për të udhëhequr sulmin e Barcelonës në të ardhmen.
Problemi i vetëm është çmimi i suedezit, Newcastle e vlerson 150 milionë euro. Një shifër e frikshme për Barcelonën duke ditur problemet financiare që kanë pasur vitet e fundit.
Megjithatë, Isak nuk është i vetmi emër në listën e klubit katalanas. Sipas Cadena SER, sulmuesi i RB Leipzig, Benjamin Sesko, është gjithashtu në radarin e Barçës.
21-vjeçari slloven ka shënuar 12 gola këtë sezon në Bundesligë. Aftësia për të lëvizur mes linjave dhe shpejtësia e tij janë atribute që kanë tërhequr vëmendjen e drejtuesve të Barçës.
