Besimtarët katolikë të të gjitha moshave janë mbledhur këtë mbrëmje të shtune për të kremtuar vigjiljen e Pashkës së Madhe. Ku pak pas orës 22:00 në katedralen “Shën Pali” në kryeqytet, nisi mesha e ringjalljes së Krishtit.
Në nderim të Jezus Krishtit, i cili për 40 ditë qëndroi pa ngrënë e pa pirë duke argjëruar, edhe besimtarët e krishterë, për po kaq ditë respekjtojnë atë që quhet Kreshmë, e në përfundim të saj kremtohet Pashka.
Ndërkohë edhe në Shkodër edhe Krujë qindra besimtarë janë mbledhur për të kujtuar ringjalljen e Krishtit.
Për festën e Pashkës, besimtarët ndjekin meshën e së dielës, e cila nis në orën 10:00. Po ashtu ata shkëmbejnë vezët e lyera me të kuqe, e cila simbolizon gjakun e Krishitit, si edhe hanë sëbashku drekën e Pashkës.
