Bayerni i Mynihut është shumë pranë një rekordi historik në Bundesliga. Në javën e 28-të, bavarezët arritën një përmbysje spektakolare në fushën e Freiburgut, duke fituar 3-2 edhe pse ishin në disavantazh 0-2 deri në minutën e 81-të. Dy gola nga Bishof dhe një tjetër nga Karl vulosën fitoren dramatike.
Pas 28 ndeshjesh në sezonin 2025/26, Bayerni ka shënuar tashmë 100 gola, vetëm një më pak se rekordi absolut i Bundesligës për një sezon të vetëm. Ky rekord mbahet po nga vetë Bayerni, që realizoi 101 gola në sezonin 1971/72.
Ky është një rekord që ka mbijetuar për më shumë se 50 vjet, por tani skuadra aktuale e Bayern ka një mundësi reale jo vetëm ta barazojë, por edhe ta thyejë. Bavarezët i janë afruar shumë edhe në të kaluarën, kur shënuan 100 gola në sezonin 2019/20 dhe 99 në 2020/21.
Me edhe gjashtë ndeshje për t’u luajtur deri në fund të kampionatit, duket se thyerja e rekordit është vetëm çështje kohe. Nëse vazhdojnë me këtë ritëm, Bayerni mund ta kthejë sezonin 2025/26 në një nga më spektakolarët në historinë e Bundesligës.
