Antonio Rüdiger do të vazhdojë të jetë pjesë e Real Madridit.
Mbrojtësi qendror gjerman ka arritur marrëveshje me Real Madridin për një kontratë të re.
Sipas Marca, të dyja palët kanë përfunduar me sukses negociatat, të cilat rifilluan në fillim të vitit 2026, pasi mbrojtësi u rikuperua plotësisht nga një dëmtim muskulor dhe tregoi edhe një herë se sa i rëndësishëm është për planet e stafit teknik.
Kontrata aktuale e 33-vjeçarit ishte parashikuar të përfundonte në verën e vitit 2026, gjë që kishte sjellë shumë spekulime për një largim të mundshëm. Megjithatë, prioriteti i vetë Rüdigerit ka qenë gjithmonë i qartë: të qëndrojë në “Santiago Bernabéu”.
Gjatë këtij sezoni, mbrojtësi gjerman ka zhvilluar 18 ndeshje në të gjitha kompeticionet me fanellën e Real Madridit, duke shënuar edhe një gol.
