Personi në foto është 17-vjeçari Flori Saraçi, i cili ditën e djeshme humbi jetën si pasojë e një arresti kardiak. Ngjarja ndodhi në gjimazin “Gjergj Kastrioti” në Durrës.
Adoleshenti u ndje keq gjatë kohës që ndodhej në palestër dhe humbi ndjenjat. Ai u transportua me ambulancë për ndihmë mjekësore, por fatkeqësisht ndërroi jetë.
“Rreth orës 15:15, në ambientet e një shkolle të mesme në Durrës, një 17-vjeçar, gjatë kohës që ndodhej në palestër, është ndjerë keq dhe ka humbur ndjenjat. Menjëherë është transportuar me ambulancë për ndihmë mjekësore, por ka ndërruar jetë.
Nga të dhënat paraprake, dyshohet se vdekja ka ardhur për shkaqe natyrale (arrest kardiak). Grupi hetimor ndodhet në vendngjarje dhe po punon për zbardhjen dhe dokumentimin e plotë të rastit”, njoftoi policia një ditë më parë.
