Një arritje e rëndësishme është shënuar për Universitetin e Elbasanit, teksa Rektorja, Prof. Dr. Elvira Fetahu, është zgjedhur Presidente e Aleancës së Universiteteve të Ballkanit (BUA) për vitin 2028.
Universiteti i Elbasanit është pjesë e këtij rrjeti prestigjioz që prej vitit 2015 dhe, me këtë zhvillim, do të marrë drejtimin e një aleance që përfshin rreth 120 universitete nga i gjithë rajoni.
Ky përfaqësim konsiderohet një moment kyç për forcimin e bashkëpunimit akademik ndëruniversitar në Ballkan, duke e pozicionuar Universitetin e Elbasanit në një rol më të rëndësishëm dhe aktiv në zhvillimet arsimore dhe shkencore rajonale.
