Ministrat e Jashtëm të 10 vendeve evropiane kanë lëshuar një deklaratë të përbashkët duke i bërë thirrje Izraelit të shmangë “zgjerimin e mëtejshëm” të konfliktit në Liban – duke i kërkuar atij të respektojë “integritetin territorial” të vendit, sipas BBC.
Deklarata dënon sulmet e Hezbollahut ndaj Izraelit në mbështetje të Iranit, mbështet dhe inkurajon qeverinë libaneze të rivendosë sovranitetin e saj mbi të gjithë Libanin.
Ajo bën thirrje për negociata të drejtpërdrejta politike midis Libanit dhe Izraelit, duke thënë se të gjitha palët duhet të ulin menjëherë tensionet.
Belgjika, Kroacia, Qiproja, Franca, Greqia, Italia, Malta, Holanda, Portugalia, Britania e Madhe dhe shefja e politikës së jashtme të BE-së Kaja Kallas kanë nënshkruar deklaratën e përbashkët.
Izraeli dërgoi trupa tokësore në Libanin jugor më 2 mars dhe gjithashtu ka nisur sulme të gjera në të gjithë vendin.
Ai tha se po përpiqet të mbrojë komunitetet nga sulmet e Hezbollahut, i cili është një grup i armatosur i mbështetur nga Irani.
