Shqipëria dhe Kosova po kërkojnë një vend në Botërorin 2026, duke u përballur mbrëmjen e sotme në Bratislavë. “Dardanët” e Kosovës do të ndeshen me Sllovakinë në gjysmëfinalen e play-off-it.
Ndeshja ka filluar me një atmosferë të tensionuar dhe disa raste për të dy ekipet, por Sllovakia filloi me avantazh pas një goli të Valjent në minutën e gjashtë. Kosova reagoi shpejt, dhe Hoxha barazoi rezultatin në minutën e 21-të me një goditje nga jashtësia e zonës. Kjo riktheu besimin në ekipin dardanas.
Pas barazimit, ndeshja vazhdoi me raste për të dyja skuadrat. Muriq tregoi aftësi në portë duke ndalur disa sulme të rrezikshme, përfshirë një goditje të fortë të kapitenit Lobotka. Megjithatë, Sllovakia arriti të shënojë sërish në minutën e 45-të, duke kaluar përsëri në avantazh me një gol të Haraslin.
Pjesa e parë u mbyll me Sllovakinë në epërsi, por Kosova nuk u dorëzua. Në minutën e 47, Asllani shënoi golin e tij me një goditje me kokë, duke barazuar rezultatin përsëri në 2-2. Kjo do të thoshte se ndeshja do të vazhdonte me intensitet të lartë.
Ndërkohë Kosova e përmbysi rezultatin duke shënuar golin e 3-të në minutën e 60 me Florent Muslija dhe golin e 4-ët me Baton Zabergja në minutën e 74.
Për momentin Kosova është e kualifikuar për finalen me Turqinë.
