Natasha Vrapi, fqinja e çiftit të moshuar në Kuman të Roskovecit ka treguar më shumë detaje për ngjarjen e rëndë.
Për mediat, ajo ka thënë se dy viktimat, Shefit Rrapaj dhe Dashuri Rrapaj, kanë pasur një raport shumë të mirë bashkëshortor.
Ata ishin prindër të 9 fëmijëve, të cilët jetonin jashtë. Por kohët e fundit shton fqinja, djali i madh kishte ardhur në Kuman, teksa thekson se konfliktet mes të birit dhe babait mund të kenë qenë shkak i ngjarjes së rëndë.
Natasha ka treguar edhe bisedën e fundit me Dashurinë. Ajo tha se kur i kishte shkuar në banesë 75-vjeçarja pak ditëpara ngjarjes, i ka thënë se do të qëndronte shumë pak e do të ikte, pasi kishte bashkëshortin, Shefitin, të sëmurë dhe duhej të kujdesej për të.
“Shkonin shumë burrë e grua. Kanë qenë shumë njerëz të mirë, nuk e di nga ju erdhi. Herën e fundit që ishte tek mua, më tha pak do rri se do iki se kam burrin sëmurë. Të gjithë fëmijët i ka në Greqi, një vetëm kishte në Shqipëri.
Për vajzën e madhe qante gjithmonë se e kishte pa fëmijë. Djalin e madh e ka pasur në Greqi, muajt e fundit ka qenë këtu. Ndoshta ka pasur ndonjë konflikt me djalin dhe kjo është hedhur për ta mbrojtur, se nënë. Kështu mendoj unë.
Në banesë është vetëm gruaja, burrin e kanë lënë në morg sa të qetësohen, më vonë edhe mbase e marrin. Fisi i Shefitit nuk ka ardhur. Janë vetëm njerëzit e Dashurisë. Unë dje isha nga ullinjtë. Kur ika ishte qetësi. Kur erdha pash ulërima, por mendova se po ziheshin dhe i thash burrit ndalo ti ndaljë. Kur e mora vesh më erdhi shumë keq për atë grua, se ishte shumë e mirë, vërtetë zonjë”, tha Natasha Vrapi.
