Fund i një epoke te Liverpool FC. Mohamed Salah ka konfirmuar se do të largohet nga klubi në fund të sezonit 2025/26, lajm që është zyrtarizuar edhe nga vetë Liverpool përmes rrjeteve sociale.
Në një deklaratë, klubi theksoi: “Koha për të festuar plotësisht trashëgiminë dhe arritjet e tij do të vijë më vonë këtë vit, kur ai t’i japë lamtumirën ‘Anfield’-it”.
Salah iu bashkua Liverpool-it më 22 qershor 2017 nga AS Roma për rreth 52 milionë euro dhe u kthye shpejt në një ikonë të klubit.
Gjatë kohës së tij me “The Reds”, ai fitoi:
- 2 tituj të Premier League
- UEFA Champions League
- FIFA Club World Cup
- UEFA Super Cup
- FA Cup
- 2 League Cups
- Community Shield
Sulmuesi egjiptian ka realizuar 255 gola në 435 ndeshje, duke u renditur ndër lojtarët më të mëdhenj në historinë e klubit.
Largimi i tij shënon fundin e një epoke të artë për Liverpool-in.
