Seanca themelore e gjyqit ndaj kryebashkiakut Erion Veliaj dhe 29 të pandehurve të tjerë është zhvilluar pa praninë e tij në sallë.
Veliaj ka paraqitur një deklaratë ku shpreh vullnetin për t’u përfaqësuar nga avokati Plarent Ndreca, ish-deputet i Partisë Socialiste.
Në këtë seancë të dytë ishin të pranishëm avokati i tij, dy prokurorë të SPAK-ut, si dhe avokatja e shtetit, Valentina Teodoresku.
Procesi gjyqësor po shqyrton akuza të rënda që lidhen me veprimtari të dyshuara kriminale të Veliajt dhe personave të tjerë të përfshirë.
