Ditën e sotme qarkulluan lajme të cilat pretendonin se ministri i Jashtëm i Shqipërisë, Ferit Hoxha, në emër të Shqipërisë shpalli “non ngrata” ministren e Drejtësisë në Kosovë, Donika Gërvalla.
Por ky lajm është përgënjeshtruar nga Ambasadori i Shqipërisë në Kosovë, Petrit Malaj.
Malaj në një përgjigje të dhënë për median kosovare Koha.net, ka mohuar lajmin, duke thënë se raportet Shqipëri-Kosovë janë të qarta, të forta dhe gjithëpërfshirëse.
“Ambasada nuk konfirmon asgjë të tillë. Në media qarkullojnë shpesh hamendësime nga më të ndryshmet, të cilat ne nuk i komentojmë më tej. Nuk ka asnjë vendim apo udhëzim të tillë. Marrëdhëniet tona me Kosovën dhe me qeverinë e saj janë të qarta, të forta dhe gjithëpërfshirëse, siç është theksuar së fundmi edhe nga Ministri Hoxha në bisedën e zhvilluar me Ministrin Konjufca”, ka thënë ai.
Sipas pretendimeve të raportuara sot, ministri i Jashtëm, Ferit Hoxha supozohej të kishte urdhëruar ambasadorët e shqipërisë në rajon, që të moj krijohej asnjë mundësi që Gërvalla të ishte takim në Shqipëri, porosi kjo sipr këtyre raportimeve e dhënë për Malaj.
Pretendimet shkuan edhe më tej sa “zbuluan” edhe arsyen se përse ishte marrë ky vendim, duke thënë se ishte fakti që Gërvalla kritikoi kryeministrin Edi Rama, në lidhje me opinionin e përbashkët me presidentin serb Aleksandër Vuçiç
Ndërkohë kujtojmë se më 19 Mars, Ferit Hoxha, pati një bisedë telefonike me homologun nga Kosova Glauk Konjufca.
