Një moment vërtet historik për Thiago Silvën. Mbrojtësi brazilian 41-vjeçar arriti një shifër të jashtëzakonshme në karrierën e tij, duke luajtur ndeshjen e 1000-të si profesionist.
Ky rekord u regjistrua në ndeshjen e kthimit të fazës së 1/8-ave të Europa League ndaj skuadrës gjermane Stuttgart, ku veterani brazilian zbriti titullar në fushë dhe vendosi një tjetër gur të rëndësishëm në karrierën e tij të lavdishme.
Arritja bëhet edhe më e veçantë po të merret parasysh fakti se Thiago Silva, edhe në moshën 41-vjeçare, vazhdon të luajë në nivele shumë të larta dhe të mbetet një pikë referimi në repartin defensiv.
Karriera e tij nisi në vitin 2002 me ekipet zinxhir të Fluminense, ndërsa më pas ai veshi fanellat e disa klubeve të njohura si Juventude, RS Futebol, Porto, Dinamo Moscow, Milan, PSG dhe Chelsea. Në çdo etapë të karrierës së tij, Silva ka spikatur për qetësinë, inteligjencën taktike dhe lidershipin në fushë.
Me kombëtaren e Brazilit, Thiago Silva debutoi në vitin 2008 dhe deri më sot ka regjistruar 113 paraqitje, duke u kthyer në një nga figurat më të rëndësishme të futbollit brazilian në epokën moderne.
Shifra e 1000 ndeshjeve është një dëshmi e qartë e jetëgjatësisë, profesionalizmit dhe madhështisë së një futbollisti që tashmë konsiderohet me të drejtë një legjendë e gjallë e futbollit.
