Harta e kuqe e ndotjes së ajrit ka përfshirë të gjitha arteriet kryesore të Tiranës, ku pluhuri dhe emetimet e gazrave të rrezikshëm të automjeteve kalojnë çdo limit sigurie.
Pas Co-Plan dhe Agjencisë Kombëtare të Mjedisit, mbi përkeqësimin e cilësisë së ajrit në kryeqytet, të dhënat e reja të platformës globale World Air Quality Index konfirmojnë një realitet edhe më shqetësues.
Monitorimi në kohë reale përmes 9 stacioneve të shpërndara në pikat kyçe të kryeqytetit nxjerr zbuluar dështimin në menaxhimin e mjedisit. Në zona si Rruga “Bardhyl”, Rruga e Kavajës, Ish-Parku i Autobusëve, madje niveli i grimcave të rrezikshme PM 2.5 është deri në 12 herë më i lartë se normat strikte të OBSH-së. Një prej stacioneve ndodhet te Shtëpia e Europës, në rrugën Papa Gjon Pali i Dytë, dhe po ashtu tregon nivel të lartë ndotjeje.
Nivelet e larta të pranisë së grimcave të pluhurit në ajër shkaktohen kryesisht nga automjetet, ndërtimi dhe industria.
Por raportet e Co-Plan dhe Agjencisë Kombëtare të Mjedisit nxjerrin në pah nevojën për shtimin e hapësirave të gjelbra në kryeqytet. E pyetur nga Televizioni Klan se sa është shtuar hapësira e gjelbër dhe sa pemë janë mbjellur gjatë vitit të fundit, Bashkia e Tiranës vijon të heshtë./ Tv Klan
