Real Madrid ka marrë një lajm të keq pas ndeshjes ndaj Manchester City në UEFA Champions League, pasi portieri titullar Thibaut Courtois do të mungojë për disa javë.
Sipas raportimeve, gardiani belg ka pësuar një dëmtim muskulor në pjesën e përparme të kofshës së djathtë (rectus femoris), që pritet ta mbajë jashtë fushave për rreth gjashtë javë.
Courtois u zëvendësua në pushimin e pjesës së parë gjatë përballjes me City-n, pasi ndjeu shqetësim, duke ngritur menjëherë alarmin në kampin madrilen.
Këtë sezon, ai ka qenë një nga shtyllat kryesore të Real Madridit, me 41 ndeshje të luajtura, 39 gola të pësuar dhe 15 porta të paprekura.
Mungesa e tij për disa javë vjen në një moment delikat të sezonit, ku “Los Blancos” luftojnë në disa fronte të rëndësishme.
