Monika Kryemadhi dhe Ema Andrea kanë debatuar në “Goca dhe Gra”, ku ish-deputetja e LSI vjen si aktore në filmin “Me fat”.
Gjatë bisedës, Andrea i tha se artisti s’mund të konsiderohet “kacidhe” nga politikanët, nxitur nga deklarata e Kryemadhit se shoqëria s’e ka vlerësuar asnjëherë artin. Kryemadhi tha se artisti ka një jetë me kosto dhe askush s’e bën këtë llogari.
“Shqipëria është vendi që për artistët ka kacidhe mendore”, u kundërpërgjigj aktorja duke thënë se artisti bën edukimin dhe jo vetëm sjell artin e tij. Ajo shprehu bindjen se të gjithë politikanët kanë dashur të bëhen aktorë, por kur shohin që arti ka impakt, duan ta përdorin në favor të tyre.
Ema Andrea: Nuk jemi kacidhe! Nuk ka lidhje vetëm me financën dhe nuk është dekor!
Monika Kryemadhi: Nëse nuk je kacidhe, atëherë mos e bëj veten kacidhe.
Ema Andrea: Kush ta bëjë jetën kacidhe? Do të hajë bukë ai.
Monika Kryemadhi: Ai që shitet. Pse revoltohesh? Ti revoltohesh sepse sheh artistë që e shesin veten si kacidhe.
Ema Andrea: Ka edhe politikanë që e shesin veten si kacidhe. Ka politikanë kacidhe sa të duash.
Monika Kryemadhi: Të gjithë janë kacidhe.
Ema Andrea: Epo ne nuk jemi.
Monika Kryemadhi: Atëherë revoltohu, mos rri vetëm. Zgjeroje rrethin. Prano të tjerë që nuk pranojnë të jenë kacidhe.
Ema Andrea: Aman Monika të flasim për filmin, se zgjeroje rrethin është muhabet tjetër që e flasim kur të dalim jashtë.
Monika Kryemadhi: Unë po flas për filmin, ti më thua mua nuk jemi kacidhe. Ti që mos të jesh kacidhe, duhet të jeshëme njerëz që nuk janë të tillë. Pse të vjen politikani dhe ta konsideron kacidhe aktorin?
Ema Andrea: Sepse ashtu është ligji. Është ligji Monika, ligji i kacidhes.
Monika Kryemadhi: Pse nuk u ngrite ti për ligjin?
Ema Andrea: Kush nuk u ngrit moj Monika?!
Monika Kryemadhi: Asnjë nuk erdhi për ligjin.
Ema Andrea: U fut opozita dhe e devijoi lëvizjen.
Monika Kryemadhi: E ke shumë gabim. Kush nga opozita e devijoi?
Ema Andrea: Jam gjallë Monika. A të flasim për filmin apo ta lëmë këtë…
