Edhe pse kanë kaluar 24 orë nga përmbytjet katastrofike në Vlorë, situate vijon të jetë problematike.
Më herët gjatë ditë kemi raportuar me pamje nga vendi i ngjarjes situatën në terren. Dëmet në biznese e banesa private janë të shumta. Një qytetare ka treguar se mbrëmjen e djeshme e ka kaluar natën jashtë.
Disa prej mungesave që ka hasur gjatë ditë së sotme Vlora kanë qenë energjia elektrike dhe uji i pijshëm.
“Keni fjetur përjashta gjithë natën, në xhade. Vinin shkëmbinjtë. Nuk e hapte njeri telefonin. Ku të shkonim? Shtëpia është mbytur e gjitha. Urgjentisht na hiqni dheun këtu. Të vijë bashkia ta shikojë dhe ta vlerësojë. Nuk kemi ujë. Dy pompa janë mbytur. Nuk i ndez dot dritat, është priza në ujë komplet”.
Pronarja e një farmacie në një prej zonave më të përmbytura ka treguar se dëmi i shkaktuar është mbi 100 mijë euro. “Dëmi është shumë i madh, mbi 100 mijë euro produkte farmaceutike”.
“Dimër për dimër, këtu bëhet det. Jemi të detyruar ta rregullojmë çdo gjë nga vetja. Shteti nuk merr masa. Dëmi mund të jetë 1 milion lekë për pastrime, lyerje minimumi. Po jemi përmbytur nga 20 herë, më kanë vajtur 20 mln lekë, askush s’do t’ia dijë” tha një tjetër banor.
Sitata është vërtetë e rëndë dhe nëse shiu do të vijojë edhe mbrëmjen e sotme, gjendja mund të përkeqësohet!
