Në orën 16:13 të së mërkurës, avioni Falcon që transportonte gazetaren Cecilia Sala nga Teherani, u ul në aeroportin Ciampino të Romës. Gazetarja, e cila kishte qëndruar për tri javë në burgjet iraniane për “shkelje të ligjit islamik”, u mirëprit nga kryeministrja italiane Giorgia Meloni, ministri i jashtëm Antonio Tajani dhe prindërit e saj.
Nëna e gazetares 29-vjeçare tha se “Sot ndihem sikur kam lindur për herë të dytë, lumturia ime është e papërshkrueshme.” Ndërkohë, televizioni publik italian Rai njofton se “burimet amerikane pohojnë se iraniani Mohammad Abedini mund të lirohet së shpejti.”
Kujtojmë se Abedini u arrestua më 16 dhjetor në Milano në bazë të një urdhër-arresti amerikan, i akuzuar për trafikun e armëve. Disa analistë kanë spekuluar se arrestimi i Salah në Iran mund të ketë qenë një hakmarrje për “çështjen Abedini.”
