Për mesfushorin e Manchester Cityt, Rodri, ndeshja e javës së 29-të ndaj Nottingham Forest ishte vërtet e veçantë. Fituesi i Topit të Artë arriti më në fund të gjejë rrugën e rrjetës në Premier League, duke i dhënë fund një periudhe të gjatë pa gol në kampionat.
Rodri u rikthye te goli në elitën e futbollit anglez dhe i dha fund “thatësirës” së tij në Premier League. Ky ishte goli i parë i spanjollit në kampionat që nga maji i vitit 2024, kur kishte shënuar në javën e 38-të ndaj West Ham.
Megjithatë, nëse llogariten të gjitha kompeticionet këtë sezon, ky ishte në fakt goli i tij i dytë, pasi më herët kishte shënuar edhe ndaj Exeter në FA Cup.
Vlen të theksohet se Manchester City më pas pësoi gol nga Elliot Anderson, dhe ndeshja ndaj Nottingham Forest u mbyll me rezultatin 2-2.
