Pas sherrit të bujshëm të raportuar një ditë më parë në zyrate e IKMT-së ku një nga drejtorët u dhunua me qytë pistolete nga kunati i Ergys Agasit, një ngjarje e ngjashme ma ndodhur në Policinë Bashkiake të Tiranës.
Polici bashkiak Eugen Saliasi, raportohet se ka goditur shefin e tij brenda në zyrë.
“Më datë 03.03.2026, është paraqitur në Komisariatin e Policisë Nr. 3 shtetasi Alfred Xhoxhaj, punonjës i Policisë Bashkiake Tiranë, i cili kallëzon se, për shkak të një konflikti për motive të dobëta që lidhen me natyrën e punës, është goditur në ambientet e zyrës nga kolegu i tij, punonjës i Policisë Bashkiake, shtetasi Eugen Saliasi”, njofton policia.
Eugen Saliasi u procedua për veprën penale “Goditja për shkak të detyrës”.
