Në verën e vitit 2022, Real Madrid shiti për 70 milionë euro Casemiro tek Manchester United dhe provoi të transferonte më pas disa lojtarë për të zëvendësuar brazilianin, por asnjëri prej tyre duket se nuk ia ka arritur qëllimit.
Mungesa e një zëvendësuesi ideal të Casemiro-s, e ka detyruar Realin të mbajtë sytë te merkato vazhdimisht dhe tani duket se madrilenët e kanë gjetur lojtarin e shumëkërkuar.
Calciomercato.com raporton se Reali është vënë në ndjekje të Ederson, mesfushorit me tipare mbrojtëse që luan tek Atalanta dhe vlerësohet nga klubi bergamask jo më pak se 60 milionë euro.
Profili teknik dhe fizik i brazilianit të Atalantës përputhet në mënyrë të përkryer me nevojat dhe stilin e klubit madrilen.
Edhe pse jo i vetmi ekip që e ndjek nga afër brazilianin, madrilenët duket se janë në një pozicion të privilegjuar për të siguruar shërbimet e tij, megjithëse duhet të konkurrojnë me klube të tjera të mëdha evropiane si Manchester United, Manchester City dhe PSG.
