Kryeministri Edi Rama ka realizuar një riformatim të kabinetit qeveritar gjatë një mbledhjeje maratonë të Partisë Socialiste.
Ky proces i ri solli shkarkimin e Belinda Ballukut nga pozita e zv/kryeministres dhe ministre e Infrastrukturës dhe Energjisë.
Përveç saj, kabineti ka përjashtuar dy figura të tjera, Pirro Vengu dhe Elisa Spiropalin, duke emëruar në vendet e tyre Ermal Nufin dhe Ferit Hoxhën.
Ermal Nufi, i cili ka qenë Zëvendës Sekretar i Përgjithshëm i Kryeministrisë, është emëruar si ministri i ri i Mbrojtjes.
Nufi ka një përvojë të gjerë ligjore dhe administratën publike, duke shërbyer si këshilltar ligjor i ministrit të Infrastrukturës dhe Energjisë dhe si kryetar i Bordit Menaxhues të Autoritetit Rrugor Shqiptar.
Ferit Hoxha, pasardhësi i Spiropalit në Ministrinë e Punëve të Jashtme, ka një karrierë të gjatë në diplomaci, duke filluar nga vitet ’90. Ai ka mbajtur pozita të ndryshme në nivel ndërkombëtar, përfshirë atë të ambasadorit të Shqipërisë në BE dhe në Francë, si dhe funksione të rëndësishme në Kombet e Bashkuara dhe UNESCO.
Enea Karakaçi është emëruar si ministri i ri i Infrastrukturës dhe Energjisë. Ai ka shërbyer si Drejtor i Përgjithshëm për Politikat dhe Zhvillimin e Energjisë dhe ka një background në sektorin energjetik, duke filluar karrierën në Entin Rregullator të Energjisë.
Pjesë e kabinetit të ri është edhe Eriona Ismaili, e cila merr rolin e ministres për Marrëdhëniet me Parlamentin. Ajo ka qenë kandidate për Partinë Socialiste dhe ka përvojë si Koordinatore Rajonale në projekte të ndryshme për zhvillimin e qeverisjes lokale.
Ky riformatim në qeveri tregon përpjekjet e Kryeministrit Rama për të rinovuar strukturën dhe politikën e tij, duke sjellë figura të reja në qeveri.
Pritet me vëmendje se si do të ndikojnë ndryshimet e reja në frymën qeverisëse.
