Lorna Hysi, e ftuar në emisionin Big Brother Radio me Elona Duro, ka folur hapur për eksperiencën e saj në Big Brother Albania, duke sqaruar disa nga temat më të përfolura pas daljes nga shtëpia.
Një ndër çështjet kryesore ishte aludimi për një pëlqim nga ana e Mirit ndaj saj. Lorna e mohoi kategorikisht një gjë të tillë, duke theksuar se mes tyre nuk ka pasur asnjë interes romantik. Ajo u shpreh se ndjeu të nevojshme të qart
ësonte situatën për t’i dhënë fund spekulimeve që kanë qarkulluar në media dhe rrjete sociale.
Një tjetër pikë e fortë e intervistës ishte raporti me Selin.
Sipas Lornës, ajo nuk e konsideron Selinën xheloze, por mendon se kjo e fundit vazhdon ta përmendë për të nxitur diskutime.
“Kur isha brenda në lojë, mund ta kuptoja sepse ndoshta më shihte si rrezik për aleancë. Por tani që vazhdon të më përmendë, ndjehet e çuditshme,” u shpreh ajo, duke shtuar se emri i saj po përdoret si argument në debatet mes Selinës dhe Mirit.
Lorna nuk i fshehu pakënaqësitë për thashethemet, duke theksuar se është e gatshme të thotë të vërtetën, por e ka të pamundur të përballet me informacione të pasakta që qarkullojnë për të.
Ajo i bëri thirrje Selinës të jetë më e kujdesshme me deklaratat, pasi – sipas saj – vazhdimisht po shpifen gjëra të pavërteta.
Intervista nxori në pah tensionet dhe dinamikat që vijojnë mes ish-banorëve edhe pas përfundimit të spektaklit.
Me deklaratat e saj, Lorna duket se ka hapur një kapitull të ri polemikash, duke mbajtur publikun të përfshirë në zhvillimet e fundit të këtij sezoni.
