Trajnerja e Arsenalit, Renee Slegers, shprehu kënaqësinë e saj pas një fitoreje të shtatë radhazi dhe një tjetër ndeshjeje pa gola të pranuar. Ajo tha për median zyrtare të klubit: “Jam e lumtur për fitoren, për përparimin që po bëjmë. Përsëri një ndeshje pa gola të pranuar. Nuk mendoj se u dhamë shumë mundësi kundërshtarëve, përveç disa goditjeve standarte.” Slegers theksoi rëndësinë e përfundimit të këtij cikli të suksesshëm duke u shprehur: “Mendoj se jemi në një serë fitoreje prej shtatë ndeshjesh, dhe jam shumë e kënaqur me këtë. Loja e lojtarëve ka qenë e shkëlqyer gjatë këtij bloku. Tani do të shkojnë me kombëtaret e tyre dhe pres me padurim vazhdimin e punës për blokun e ardhshëm.”
Ajo gjithashtu vuri në dukje rëndësinë e qëndrueshmërisë dhe angazhimit të lojtarëve, si në fushë ashtu edhe jashtë saj, duke theksuar se cilësia e ekipit mund të ndihmojë në arritjen e fitoreve në çdo situatë. “Kjo ka qenë e mrekullueshme,” shtoi Slegers.
Arsenali është i motivuar që të ruajë këtë ritëm pozitiv, sidomos tani që disa lojtarë të rëndësishëm do të angazhohen me kombëtaret e tyre. Trajnerja do të qëndrojë në Angli për të punuar mbi planet taktike për ndeshjet e ardhshme. Ajo e lajmëroi se “lojtarët do të shkojnë në një ambient të ndryshëm për të përfaqësuar vendet e tyre. Ne do të jemi këtu për të planifikuar për blokun e ardhshëm. Ky do të jetë një dritare më e gjatë, kështu që do të jemi pa ta për një kohë më të gjatë, por presim me padurim dy çerekfinalet që do të luajmë dhe ndeshjet në WSL.”
Duke përfunduar, Slegers duket optimiste për të ardhmen e ekipit dhe beson se përparimi i arritur deri tani do të sjellë më shumë suksese në ndeshjet e ardhshme.
