Jozi, një prej konkurrentëve të këtij sezoni të Big Brother VIP Albania, ka vazhduar të tërheqë vëmendje për natyrën e tij të ashpër dhe komentet e tij të diskutueshme ndaj banorëve të tjerë, sidomos femrave.
I njohur për debatet e tij të shumta, Jozi ka pasur përplasje të forta, sidomos me Livian, duke përmendur shpesh prejardhjen e saj nga komuniteti rom. Megjithatë, ai ka pasur përplasjet më të forta me këngëtaren Rozana Radi.
Në një nga diskutimet e mëparshme, Jozi kritikoi hapur Rozanën dhe bëri disa komente seksiste që shkaktuan shumë reagime në rrjet, duke detyruar atë të kërkonte falje publike dhe të premtonte se do të tregonte një sjellje më të matur në të ardhmen, madje duke e quajtur Rozanën “si një nënë” për të.
Por së fundmi, ai ka bërë një tjetër deklaratë tronditëse që ka shpërthyer rrjetet sociale. Gjatë një bisede me Gertën, Jozi e shprehu mendimin e tij në mënyrë të papritur, duke thënë se nëse dritat në Big Brother fikeshin për vetëm 5 minuta, ai do ta shqyente Rozanën, një koment që u kuptua si një kërcënim dhe që ka ngritur polemika të shumta.
