Kryeministri i Kanadasë Justin Trudeau ka deklaruar dorëheqjen e tij në një konferencë për shtyp.
Trudeau thotë se e mori vendimin për të dhënë dorëheqjen pasi pati një bisedë të gjatë me familjen e tij – ai thotë se suksesi i tij ishte falë mbështetjes së tyre. Ai u tha fëmijëve të tij për vendimin e tij për të dhënë dorëheqjen një ditë më parë.
Justin Trudeau thotë se “ky vend meriton një zgjedhje reale” në zgjedhjet e ardhshme.
“Gjatë pushimeve. Kam pasur gjithashtu një rast të reflektoj dhe kam pasur biseda të gjata me familjen time për të ardhmen tonë. Unë synoj të jap dorëheqjen si kryeministër i partisë, pasi partia të zgjedhë liderin e saj të ardhshëm përmes një procesi të fortë konkurrues mbarëkombëtar.”, tha kryeministri kanadez.
Ai po ashtu ka thënë se parlamenti ka qenë “i paralizuar prej muajsh”, pas asaj që ai e quan sesioni më i gjatë i një parlamenti pakicë në historinë kanadeze.
Trudeau ka thënë se parlamenti i vendit do të pezullohet deri më 24 mars, ndërsa zgjidhet një udhëheqës i ri.
“Këtë mëngjes e këshillova Guvernatorin e Përgjithshëm se na duhet një seancë e re parlamenti. Ajo e ka pranuar këtë kërkesë dhe Dhoma do të pezullohet deri më 24 mars”.
Trudeau po përballej me një sërë krizash në rritje, nga kërcënimet tarifore të Donald Trump deri te dorëheqja e aleatëve kryesorë, po ashtu dhe sondazhet jo te mira të opinionit.
