Jo të gjithë e dinë se Alma Çupi është nënë e një vajze. Kjo pasi gazetarja ka preferuar të njihet gjithmonë për profesionin e saj dhe emisionin që e bën atë unike.
Ajo na prezanton shumë rrallë me vajzën dhe së fundmi ka publikuar nje foto album me të bijën ku kanë vizituar qytetin e Krujes.
“Kruja qyteti qe cdo here me mahnit”, shkruan ajo.
Prej 8 vitesh, vajza e gazetares së njohur jeton dhe studion në Gjermani.
“Një nga arsyet që unë vajzën time e kam çuar me shkollim jashtë Shqipërie është pikërisht mentaliteti mbytës”, është shprehur Alma Çupi në një nga intervistat e saj të rralla.
Gazetarja e programit “Histori Shqiptare” në Tv Klan, Alma Çupi e konsideron divorcin një rilindje, nisur edhe nga eksperienca personale. Alma thotë se është e lumtur për këtë hap sepse e ndihmoi të rigjejë vetveten.
” Unë jam shumë e lumtur që e kam marrë hapin e divorcit. Unë e kam marrë hapin e divorcit e sforcuar, sigurisht, se nuk e dija që do isha kaq e lumtur se njeriu kur ndahet nuk e di që do jetë i lumtur, por unë nëse nuk do isha ndarë nuk do isha kjo që jam sot. Unë nuk do bëja një gazetë të suksesshme, unë nuk do kisha ndërtuar jetën time kështu, unë nuk do rrisja vajzën, nuk do ta çoja në Gjermani me studime. Unë nuk do bëja emisionin “Histori Shqiptare”, unë nuk do kisha fuqi t’iu ndaja njerëzve dashuri nëpër Shqipëri.
Mua më është dashur të punoj shumë me veten, unë kisha humbur Almën, unë gjeta Almën. Në momentin që vendosa të ndahem nga ajo marrëdhënie që nuk funksiononte unë kërkova Almën, Almën e dikurshme, Almën”, është shprehur gazetarja./ilirianews.al
