Ish-gruaja e Andrew, Sarah Ferguson, mund të jetë një nga personat e ardhshëm që do të merret në pyetje nga policia britanike për princin e burgosur dhe për marrëdhëniet e tij me Jeffrey Epstein. Edhe pse janë ndarë që nga viti 1996, të dy mbajnë një marrëdhënie shumë të mirë.
Mediat shkruajnë se Ferguson mund të thirret nga policia për të dëshuar në lidhje me hetimin. Deri më tani nuk ka dalë asnjë lidhje e Ferguson me vepra të tilla penale, por është në vendimin e policisë të vendosë nëse do të thërret për të dëshmuar.
Në çdo rast, Ferguson e ka mbrojtur gjithmonë ish-bashkëshortin e saj. Megjithatë, dokumentet për çështjen Epstein të publikuara në SHBA tregojnë si marrëdhëniet e ngushta të ish-princit me pedofilin e dënuar, por edhe ato të Ferguson me të.
Jeffrey Epstein shkruan në një email se ai e financoi fshehurazi atë për të paktën 15 vjet, duke filluar nga viti 1996, viti kur ai u divorcua nga Andrew Mountbatten-Windsor. Emaili madje sugjeron se mbështetja e tij financiare për Ferguson tejkaloi shumë 15.000 £ që ajo pranoi publikisht se kishte marrë prej tij. Që atëherë ka pasur komente për jetën e saj luksoze pas divorcit nga Andrew.
