Ministrja për Europën dhe Punët e Jashtme, Elisa Spiropali, ka marrë pjesë si e ftuar nderi në Ballon e Operës së Vjenës, një ngjarje prestigjioze historike që daton qysh në shekullin XVIII.
Sipas një postimi në Facebook, Spiropali ka njoftuar se ftesa iu dha nga Ministrja Federale për Punët e Jashtme të Austrisë, Beate Meinl-Reisinger, dhe ngjarja ishte nën patronazhin e Presidentit të Austrisë, Dr. Alexander Van der Bellen.
Në postimin e saj, Spiropali thekson rëndësinë e kësaj ftese si një reflektim të respektit dhe vlerësimit që Austria ka për Shqipërinë.
Ajo e cilëson këtë ngjarje një instrument të rëndësishëm të diplomacisë kulturore, duke theksuar se ftesa për Shqipërinë është një tregues i marrëdhënieve pozitive dhe aleancave midis dy vendeve.
Balloni ka një traditë të thellë dhe shërben si një platformë për promovimin e kulturës dhe bashkëpunimit ndërkombëtar.
