Kylian Mbappé është në dyshim për ndeshjen e së shtunës kundër Real Sociedad, pasi edhe këtë të enjte u stërvit në palestër dhe jo me grupin. Qëllimi është të menaxhohet gjuri i majtë dhe të largohen shqetësimet që ai po i ndjen prej kohësh pas një ndrydhjeje të pësuar në fillim të vitit. Vlerësimi final për aktivizimin e tij pritet të bëhet të premten, një ditë para ndeshjes në “Bernabéu”.
Që prej rikthimit në Superkupë, pasi u rikuperua nga ndrydhja e kyçit të këmbës, francezi ka luajtur pothuajse pa ndalesë: në gjashtë ndeshjet e fundit ka qenë gjithmonë në fushë dhe ka shënuar 9 gola, duke qenë vendimtar në formën e tij. Deri tani këtë sezon, Mbappé ka munguar vetëm në katër ndeshje.
Ndërkohë, Raúl Asencio nuk u stërvit as të enjten për shkak të gripit, por situata e tij shihet më pak shqetësuese dhe klubi beson se ai do të jetë gati për të shtunën.
Sa i përket skuadrës, trajneri Arbeloa ka tre mungesa të sigurta për sfidën me Real Sociedad: Bellingham, Militao dhe Rodrygo, që vazhdojnë rikuperimin. Lajmi pozitiv është rikthimi i Vinicius, i cili kthehet pas pezullimit me një ndeshje.
