Lazio është kualifikuar në gjysmëfinalen e Kupës së Italisë, pasi mposhti Bologna-n pas gjuajtjeve të 11-metërshave. Sfida e çerekfinales u mbyll 1-1 në kohën e rregullt, ndërsa nga pika e bardhë biancocelestët triumfuan 5-2, duke siguruar biletën për në fazën tjetër.
Bologna kaloi e para në avantazh në minutën e 30-të me Castro, pas asistit të Moro. Lazio reagoi menjëherë pas pushimit dhe barazoi në minutën e 48-të me Noslin, duke e çuar ndeshjen drejt tensionit të penalltive.
Në serinë e penalltive, Lazio u tregua më e saktë dhe më e qetë: Tavares shënoi, ndërsa Ferguson u ndal nga Provedel. Më pas realizuan Dia, Marusic dhe Taylor, ndërsa për Bologna-n shënoi Dallinga, por Orsolini gaboi duke e dërguar topin jashtë. Në fund, Lazio festoi kualifikimin dhe tani në gjysmëfinale do të përballet me Atalantën.
