Çelsi nuk arriti të fitonte një ndeshje në Premier League nën drejtimin e Liam Roseniorit për herë të parë, pasi u mbajt në një barazim 2-2 nga Lids United të martën. Bluve iu duk që ishin ekip më i mirë për shumicën e ndeshjes dhe madje ishin në avantazh me dy gola në pjesën e dytë, por një sërë gabimesh në mbrojtje i kushtuan atyre një fitore, që do të kishte shtuar ndjeshëm shpresat e tyre për t’u kualifikuar në Ligën e Kampioneve.
Çelsi kaloi në avantazh në mes të pjesës së parë, kur Cole Palmer kaloi lehtësisht mbrojtjen e Lids me një pasim të thjeshtë midis dy mbrojtësve të palëvizur drejt Joao Pedro, i cili shpejtoi dhe e dërgoi topin përmbi portierin Karl Darlow. Në fillim të pjesës së dytë, vendasit morën një penallti pasi Pedro u rrëzua nga Jaka Bijol, në një rast pothuajse identik me penalltinë që fitoi ndaj Uolves të shtunën. Palmer e shfrytëzoi pa problem këtë mundësi për të dyfishuar avantazhin.
Megjithatë, situata ndryshoi pak pas mesit të pjesës së dytë, kur Moises Caicedo bëri një faull të vonuar ndaj Jayden Bogle dhe i dha mundësinë Lukas Nmecha që të shqetësonte ekipin vendas, duke shënuar penallti dhe duke i dhënë një jetë Lidsit në një moment kur dukeshin të humbur.
Më pas, Lids arriti të barazonte në minutën e 73-të. Trevoh Chalobah nuk arriti ta përballonte një top të lartë, ndërsa Malo Gusto, Josh Acheampong, Caicedo dhe Sanchez dështuan ta pastruan zonën, çka lejoj Nmecha-n të asistonte për Noah Okafor, i cili e futi topin në një rrjetë të zbrazët.
Çelsi, megjithatë, vazhdoi të kërkonte fitoren, me Pedro Neto që pothuajse shënoi me një goditje nga një kënd i thellë dhe një përpjekje tjetër e Joao që u godit në traversë. Për më tepër, në minutën e 94-të, Çelsi humbi një mundësi të artë për të fituar kur Caicedo bëri një pasim të shkëlqyer përmes zonës, por Palmer e dërgoi topin mbi portë nga afër, kështu që ndeshja mbyllet në një barazim.
