Angelina Jolie ka bërë një paraqitje tërheqëse në premierën e filmit “Couture” në Paris, ku u shfaq me një fustan mahnitës të Givenchy. Fustani, i cili ishte gjysmë transparent dhe i zbukuruar me xixa, lejonte të shiheshin disa pjesë të trupit të saj, me një përfundim asimetrik dhe thekë me rruaza. Aktorja e kompletoi look-un me taka të zeza dhe bizhuteri Garatti, përfshirë një unazë me një diamant të gjelbër 15 karatësh dhe vathë të përshtatshëm.
Në këtë film, Jolie interpreton Maxine Walker, një regjisore e cila diagnostikohet me kancer në gji ndërsa punon për një shtëpi mode gjatë Javës së Modës në Paris. Historia e filmit shkon përtej përvojës së saj, duke ndjekur gjithashtu rrugëtimin e një modeleje dhe një grimieri që përpiqen të krijojnë vendin e tyre në botën e modës. Traileri i filmit tregon skena nga pasarelat dhe hapësira ikonike të shtëpisë Chanel në Rue Cambon, duke përfshirë hyjnoren apartament të Coco Chanel. Regjisore e filmit, Alice Vinokur, kishte akses të plotë në studiot dhe hapësirat e Chanel, një privilegj i rrallë për prodhimet filmike.
Jolie ka një lidhje të fortë me botën e modës, pasi në vitin 2023 themeloi markën Atelier Jolie, e cila bashkon artistë nga e gjithë bota për të inkurajuar qëndrueshmërinë dhe për të sfiduar konsumimin e tepërt të modës. Ajo ka folur hapur për luftën e saj me kancerin e gjirit. Në vitin 2013, Jolie iu nënshtrua një mastektomie të dyfishtë parandaluese pas disa vlerësimeve mjekësore që identifikonin një rrezik të lartë për zhvillimin e kancerit. Dy vjet më vonë, ajo gjithashtu i hoqi vezoret dhe tubat fallopiane, duke u mbështetur në historinë familjare, pasi nëna e saj vdiq nga kanceri i gjirit dhe i vezoreve.
Kjo premierë jo vetëm që tregon aftësinë e Jolie si një artistes dhe stiliste, por gjithashtu sjell një mesazh të fortë për përballjen me siptomat e sëmundjeve dhe përkushtimin ndaj modës.
