Lionel Messi la Barcelonën në vitin 2021, por duket se kapitulli i tij te ky klub nuk ka përfunduar ende, pasi tani po planifikohet një rikthim.
Sipas Marca, legjenda argjentinase ka marrë tashmë një vendim të qartë dhe personal për t’u rikthyer në Barcelonë në një moment të ardhshëm. Megjithatë, ende nuk është e qartë se në çfarë pozite do të kthehet ai te klubi.
Më 1 korrik 2021, Lionel Messi u bë lojtar i lirë. Për herë të parë në karrierën e tij profesionale, Messi nuk ishte më lojtar i Barcelonës. Një muaj më vonë, më 5 gusht, Barcelona njoftoi se nuk ishte arritur një kontratë të re me Messin.
Gjatë kohës së tij në Barcelonë, Messi fitoi më shumë se 30 trofe, përfshirë 10 tituj të La Liga dhe katër tituj të Ligës së Kampionëve.
