Kryeministri Edi Rama ka qenë i pranishëm në eventin e organizuar për praktikat e punësimit për ekselentët.
Gjatë fjalës së tij Rama u shpreh se nga ky program i është dhënë mundësia 1600 personave që të punësohen. Më tej kryeministri ndau edhe një tjetër projekt që është projekti i “Garancisë Rinorë” që siç tha Rama ka për qëllim të ofrojë trajnime e mundësi konkrete për të rinjtë.
“Unë jam bërë besimtar i fortë e këtij programi. Ky program ka punësuar rreth 1600 persona në administratën e shtetit. Ajo që i bën këto numra më të rëndësishëm është se janë mbi 1600 burime që kanë kapacitetin potencial që të jenë nesër drejtuesit e departamenteve të drejtorive e kështu me radhë. Kjo ka qenë një urë e ngritur si fillim me Universitetin për t’u dhënë mundësi të rinjve mundësi”, tha ai, duke shtuar: “Kemi edhe një projekt të madh që është projekti i garancisë rinore që ka synim të identifikojë të rinjtë që kanë potencial por që nuk janë aktiv. Ka qëllim të ofrojë trajnime, mbështetje ekonomike të sigurojë mundësi konkrete”.
