Të shtënat më armë zjarri kanë lënë disa të vdekur në Cetinje të Malit të Zi. Mësohet nga burime jozyrtare, se ka patur konfrontim fizik në një tavernë që ka agravuar deri në përdorimin e armëve. Drejtoria e Policisë ka dhënë detaje për “Vijesti”, sipas së cilës, një person tashmë identifikuar u ka marrë jetën disa personave.
Mësohet se pas një konflikti në lokal, autori ka qëlluar me armë duke lënë disa persona të vdekur dhe më pas është arratisur. Ndërkohë, policia është në kërkim të autorit të dyshuar.Lidhur me këtë, policia ka apeluar qytetarë e Cetinjë që të qëndrojnë në banesat e tyre, teksa njësitë policore ndodhen në terren. Aktualisht po punohet për të vënë në kontroll situatën dhe kapjen e autorit.
