Erfan Soltani, i cili u arrestua si pjesë e lëvizjes kundër qeverisë në Iran, dhe për të cilën Uashingtoni kishte frikë se mund të ekzekutohej është liruar ditën e sotme nga purgu.
Soltani u arrestua më 10 janar së bashku me shumë iranianë të tjerë gjatë protestave të mëdha antiqeveritare që çuan në vdekjen e mijëra njerëzve. Ai po mbahej në qendrën e paraburgimit Karaj, afër Teheranit, me akuzën e propagandës kundër sistemit islamik dhe sulmit të sigurisë kombëtare, sipas gjyqësorit.
Mediat shkruajnë se SHBA dhe OJQ-të kishin shprehur frikë në mes të janarit për ekzekutimin e afërt të Erfan Soltanit.
Por Irani, i cili kryesisht zbaton dënimin me vdekje, kishte mohuar se ishte në rrezik të ekzekutohej për ngjarjet që i atribuoheshin. Zyrtarët iranianë thonë se protestat, të cilat filluan më 28 dhjetor, fillimisht ishin protesta paqësore kundër çmimeve të larta, por më pas u shndërruan në trazira të cilat pëefunduan në vdekje.
Teherani akuzoi Shtetet e Bashkuara dhe Izraelin për nxitjen e protestave, duke akuzuar dy vendet për nxitjen e një operacion terrorist, veçanërisht kur protestat kishin arritur kulmin e tyre më 8 dhe 9 janar.
