Gazetarja Klodiana Lala, tha se SPAK ka dy fusha ku vepron luftën ndaj korrupsionin në nivele të larta dhe luftën ndaj krimit të organizuar. Lala e ftuar në emisionin ‘Open’ në News24 tha se ndaj krimit të organizuar kemi një luftë frontale. Gazetarja gjithashtu tha se në 1 vit e gjysëm, SPAK ka goditur njerëz të njohur të politikës, i ka nën akuzë apo nën hetim, duke nisur me Sali Berishën, Ilir Metën, Ilir Beqajn, Ervis Berberin, kryebashkiakun e Tiranës, etj.
Sipas saj, çështja e inceneratorëve është një gur prove. Po ashtu Lala, tha se kemi konçensionin e sterilizimit, që po konsiderohet si grup i strukturuar kriminal, dhe kreu i grupit cilësohet Ilir Beqaj, ish-ministër i Shëndetësisë. Ajo tha se SPAK ka përballuar një seri sulmesh që i kanë ardhur nga segmente të caktuara.
“Mbi bazën e të dhënave nga partnerët ndërkombëtarë kemi një luftë të grupeve kriminale në Shkodër, Durrës, Tiranë, Elbasan. Ka një panoramë të qartë të lidhjeve të krimit me politikën, apo se ku investohen paratë e krimit, përfshi edhe lingotat e arit. Sa i takon korrupsionit, nuk e mas punën e SPAK nëse ka goditur majtas apo djathtas. Në 1 vit e gjysëm, SPAK ka goditur njerëz të njohur të politikës, i ka nën akuzë apo nën hetim, duke nisur me Sali Berishën, Ilir Metën, Ilir Beqajn, Ervis Berberin, kryebashkiakun e Tiranës, etj. Por a do të arrijë SPAK të kalojë edhe testin e çështjeve të rëndësishme, sikundër është ajo e inceneratorëve?”, tha Lala.
