Kryeministri Edi Rama deklaroi sot se në 2027 Shqipëria do të organizojë samitin e NATO-s dhe në Tiranë do të vijë presidenti i SHBA-së, Donald Trump.
“Vitin e ardhshëm, më 16 maj do të mirëpresim Samitin e Komunitetit Politikan Evropian, do të kemi udhëheqësit e 700 milionë banorëve të Evropës, përtej kufirit të Bashkimit Evropian. Arsyeja pse Shqipëria e mori këtë mundësi, është shumë e thjeshtë.
Shqipëria sot është një vend ku të gjithë shohin me sytë e respektit, të gjithë kanë vlerësime që mua më bëjnë krenar, por është frymëzimi për të vazhduar më tutje.
E pamendueshme, është mikpritja në Tiranë e samitit të NATO-s, në 2027, ne kemi filluar punën, së bashku me NATO-n për një inspektim të kushteve të infrastrukturës dhe logjistikës në Tiranë.
Ardhja e presidentit të SHBA dhe udhëheqësve të NATO-s, është mesazh lidhur me Shqipërinë, lidhur me pozicion tonë të ri politik në arenën ndërkombëtare” tha Rama.
Por përpara 2027-ës kemi zgjedhjet e vitit tjetër, kush do ta presë Donald Trumpin, Berisha apo Rama? “Në 2027 Samitin e organizon ai që anëtarësoi Shqipërinë në NATO dhe jo ai që bëri protesta kundër NATO-s. Shumë evidente kjo” tha Sali Berisha duke thënë se do të jetë ai në pushtet.
