José Mourinho përballet sërish me Real Madridin, këtë herë ndaj ish-lojtarit të tij Álvaro Arbeloa, tani trajner. Në konferencë për shtyp, portugezi u shpreh me emocione të forta për ish-mbrojtësin: “Arbeloa është një nga djemtë e mi. Jo vetëm ish-lojtar, por një nga të preferuarit e mi si njeri.”
Mourinho theksoi se nuk ka presion për Arbeloan, duke i uruar një karrierë të madhe si trajner, por ishte i qartë për ndeshjen: Benfica duhet vetëm të fitojë, përndryshe eliminohet. “Pa fitore, s’ka llogari,” u shpreh ai.
Trajneri shmangu debatet për të shkuarën, arbitrat dhe merkato, duke u fokusuar vetëm te ndeshja dhe te nevoja për ekuilibër përballë një Reali që “të ndëshkon në çdo gabim”.
Një konferencë mes respektit personal, nostalgjisë dhe presionit maksimal sportiv—me Mourinhon që dëshiron Realin gjithmonë fitues… përveç sonte.
