Christian Chivu u shfaq realist, por edhe i bindur se ekipi i tij mund të marrë rezultat në Dortmund, në prag të sfidës së së nesërmes në Champions League. Trajneri theksoi se kjo është një garë krejt tjetër nga kampionati dhe se situata aktuale e ka komplikuar llogaritë.
“Kjo është një kompeticion ndryshe, jo kampionati, me pritshmëri të tjera. Ne e kemi vendosur veten në një situatë të veçantë dhe tani nuk varet më vetëm nga ne, por edhe nga të tjerët,” u shpreh Chivu. “Ne duam të bëjmë një paraqitje të madhe. Mendërisht do të hyjmë në fushë për të dominuar dhe për të luajtur mirë, pastaj do të shohim ku jemi në fund. Dortmund, për atë që përfaqëson në futbollin europian, është skuadër e nivelit të lartë; pak ekipe fitojnë këtu. Gjithsesi, do të provojmë të marrim rezultatin.”
Trajneri konfirmoi edhe mungesën e Nicolò Barella-s, i cili nuk udhëtoi drejt Gjermanisë: “Barella nuk u nis për shkak të një tërheqjeje muskulore, ndaj nuk është grumbulluar.”
Sa i përket Lautaro Martínez, për të cilin u përmend kartoni i verdhë dhe rreziku i pezullimit, Chivu u tregua i prerë: “Pa llogari. Nuk kemi kohë të bëjmë kalkulime: do të hedhim në fushë formacionin më të mirë të mundshëm.”
