Trafik kilometrik raportohet në aksin Librazhd-Elbasan. Punimet në këtë aks si edhe lëvizjet e fundjavës ka bërë që qytetarët të përballen me radhë të gjatë automjetesh.
Probleme të ngjashme janë evidentuar edhe në akset Tiranë–Elbasan, ku qarkullimi është bërë i vështirë dhe me vonesa të gjata.
Ndërkohë Policia Rrugore ndodhet në terren në rolin e spektatorit pa mundur të menaxhojë si duhet trafikun për të lehtësuar lëvizjen e automjeteve.
Trafiku mbetet një problem shqetësues, sidomos gjatë fundjavës, ku shpesh raportohet për radhë të gjatë të automjeteve, ndërsa qytetarët ngrenë shqetësimin se duhet të përballen me orë të gjatë dhe të bllokohen në trafik.
