Të paktën pesë persona kanë humbur jetën, disa të tjerë janë plagosur dhe një numër ende i papërcaktuar janë bllokuar pas daljes nga shinat të dy trenave në territorin e komunës Adamuz Spanjë, sipas Gardës Civile.
Aksidenti ndodhi në orën 19:45, kur treni LD AV Iryo 6189, që udhëtonte nga Malaga drejt Puerta de Atocha (Madrid), doli nga shinat në Adamuz dhe përfundoi në shinat ngjitur, ku po qarkullonte një tjetër tren, nga Puerta de Atocha drejt Huelvës, i cili gjithashtu doli nga shinat.
Qarkullimi hekurudhor mes Madridit dhe Andaluzisë është pezulluar.
Ministri i Transportit, Óscar Puente, ndodhet në Qendrën e Menaxhimit të Rrjetit H24 të Adif, duke ndjekur nga afër aksidentin hekurudhor.
Menjëherë pas marrjes së lajmit, presidentja e Komunitetit të Madridit, Isabel Díaz Ayuso, njoftoi në rrjetin X se “spitalet e Komunitetit të Madridit dhe ekipet e SUMMA 112 janë në gatishmëri. Shkaku i aksidentit nuk është bërë ende me dije nga autoritetet.
