Pesë skiatorë kanë humbur jetën në dy ortekë në Alpet Austriake, në një zonë që ka parë reshje të dendura dëbore. Në një incident të shtunën në rajonin Pongau të Salzburgut, një ortek goditi një grup prej shtatë skiatorësh, duke vrarë katër dhe duke plagosur rëndë një tjetër.
Rreth një orë e gjysmë më pas, një tjetër ortek rrëmbeu një skiator i cili u plagos për vdekje. Moti i keq ka shkaktuar të paktën nëntë viktima në Alpe gjatë javës së kaluar. Të martën, një ortek vrau një djalë 13-vjeçar çek që po bënte ski në vendpushimin austriak të Bad Gastein.
Të dielën e kaluar, një skiator 58-vjeçar u vra në një ortek në Tirol, gjithashtu në Austri. Ndërsa në Zvicër, një gjerman u vra në një ortek dhe katër të tjerë u plagosën gjatë skijimit në vend të hapur të premten. Fundjavën e kaluar në Francë, gjashtë skiatorë vdiqën pas ortekëve në pjesë të ndryshme të Alpeve.
