Sipas L’Équipe, sulmuesi i Real Madridit dhe i Francës, Kylian Mbappé (27 vjeç), ka vendosur të mos rrezikojë me shëndetin dhe i ka njoftuar trajnerët se nuk është gati të luajë në ndeshjen e javës së 20-të të La Liga-s kundër Levantes këtë të shtunë.
Arsyeja lidhet me një dëmtim në gju, i cili u përkeqësua pas finales së Superkupës së Spanjës. Mbappé kërkon të rikuperohet plotësisht dhe nuk dëshiron të luajë duke u mbështetur te qetësuesit e dhimbjes. Po ashtu, ka gjasa të mëdha që ai të mungojë edhe në përballjen e Champions League në raundin e 7-të kundër Monacos, e programuar për të martën e ardhshme.
Këtë sezon, Mbappé ka zhvilluar 25 ndeshje me “Los Blancos”, duke shënuar 29 gola dhe dhënë 5 asistime.
