Marketet e Vullnet Sinajt janë denoncuar sërish nga qytetarët për mospërputhje të çmimeve, ku shumat e afishuara në rafte nuk përkojnë me ato që rezultojnë në faturë në momentin e pagesës.
Sipas një denoncimi të publikuar nga JOQ, një pastë dhëmbësh tek “Big Market Olimpiku” kishte në raft çmimin 650 lekë, i shënuar edhe si ofertë speciale, ndërsa në kasë rezultoi 850 lekë, pra 150 lekë më shumë.
Mesazhi i qytetarit:
Kishin reklamuar “oferte” te pastes se dhembeve Marvis nga 850 ne 649 lek . Padashje ma kapi dora kte tabelen e ofertes dhe ishte cmimi real i fshehur mbrapa . Ishte cmimi real me tabelen e verdhe 650 lek. Nderkohe shoh tek fatura me paskan mbajtur 849 lek .
“Big Market Olimpiku” zotërohet 50% nga deputeti Vullnet Sinaj. Ndërkohë, rrjeti i supermarketeve Big Market, nën pronësinë e Sinajt dhe aksionerëve të tij, ka qenë vazhdimisht objekt i denoncimeve për shpërndarje të produkteve të skaduara, mashtrime në çmime dhe praktika të dyshimta tregtare.
