Sekretarja e Përgjithshme e Mikrofinancës Shqiptare, Brunilda Isaj, është ndarë nga jeta mbrëmjen e djeshme.
Lajmi i trishtë është bërë i ditur nga miqtë dhe kolegët e saj në rrjetet sociale, të cilët kanë shprehur ngushëllimet më të sinqerta për familjen Isaj. Ikja e Brunildës në një moshë kaq të re ka prekur zemrat e të gjithëve, duke lënë pas një dhimbje të thellë për familjarët dhe fëmijët e saj.
Brunilda Isaj u nda nga jeta në moshën 49-vjeçare. Ajo kishte një eksperiencë shumëvjeçare dhe një histori suksesi të spikatur në sistemin bankar dhe financiar shqiptar, ku u dallua për profesionalizmin, përkushtimin dhe vlerat e larta njerëzore.
Kolegët dhe miqët e saj kanë ndarë mesazhe prekës në rrjetet sociale në kujtim të Brunildës.
“SOT HUMBEM NJE KOLEGE, MIKE TE RRALLE, BRUNEN E DASHUR
Me dhimbje të thellë sot pasdite morëm lajmin për ndarjen nga jeta të Brunilda Isaj. Una pata fatin te punoj dhe shkembej eksperienca te shkelqyera me Brunen goje-embel. Brunilda ishte një kolege e shkëlqyer, një bankiere profesioniste e nivelit më të lartë dhe mbi të gjitha një njeri shembullor. Humbja e saj është një plagë e rëndë për familjen, miqtë, kolegët dhe për gjithë komunitetin profesional që pati fatin ta njohë dhe të punojë me të. Ngushëllime të sinqerta familjes dhe të gjithë atyre që e deshën dhe e vlerësuan. U prehsh në paqe Bruna!” shkruan kolegu i saj, Ilir Pilku.
Ndërsa një tjetër mesazh prekës vjen nga mikesha e saj Xheni Cani:
“E pabesueshme ikja jote… Mikes time më të mirë Brunilda Isaj. Bruna ime, zemra ime, shpirti po më dridhet duke shkruar këto rreshta për ty. Ti ishe një grua e rrallë,e paarritshme.
Njerëzit si ti vijnë vetëm një herë në jetë.Unë pata fatin të kisha pranë vetes një njeri të madh si ty. Vlerat e tua njerëzore ishin absolute,inteligjenca jote e pakrahasueshme ,mirësia jote ishte përçuese. Drejtuese me profesionalizëm admirues,bashkëshorte e mrekullueshme,mama shembullore,bija perfekte,motra më e mirë dhe mikesha që të gjithë do donin ta kishin.
Ti ishe engjëll mbi tokë .Zoti të deshi afër vetes zemra ime.Ti e dije çfarë vendi kishe në zemrën time dhe gjithmonë do ta kesh. E thyer nga ikja jote e parakohshme .Do të të dua gjithmonë Bruna ime e dashur. Të Zotit jemi dhe tek ai do kthehemi. Qofsh e xhenetit Bruna ime.”
