Katër grupe komisionesh verifikimi kanë nisur punën në fshatin Ferras për të shqyrtuar dëmet e shkaktuara nga përmbytjet e fundit. Procesi ka filluar brenda dhe jashtë argjinaturës dhe përfshin evidentimin e pranisë së ujit dhe pasojave të tij në banoj. Sipas informacioneve paraprake, janë identifikuar rreth 120 banesa të prekura. Dëmet nuk kufizohen vetëm në ambiente të brendshme, por përfshijnë gjithashtu oborre, magazina, pajisje bujqësore dhe infrastrukturen ndihmëse.
Situata është veçanërisht problematike në zonën brenda argjinaturës, ku uji ka qëndruar për orë të tëra, duke shkaktuar dëme të konsiderueshme materiale. Pas kësaj, komisionet do të fokusohen në verifikimin e zonave të tjera të prekura nga vërshimi i ujit nga kanali i Martines, ku prurjet kanë dalë jashtë shtratit të tyre.
Gjatë procesit, çdo rast po dokumentohet me procesverbale, fotografi dhe të dhëna të detajuara, të cilat do t’i shërbejnë institucioneve përhartimin e një raporti përfundimtar. Ky raport do të vlerësojë masat që duhen marrë për ndihmën dhe dëmshpërblimin e të prekurve. Autoritetet lokale kanë njoftuar se verifikimet do të vazhdojnë edhe në ditët në vijim dhe u bëjnë thirrje banorëve të bashkëpunojnë me komisionet, duke raportuar çdo dëmtim.
Situata në zonë është nën monitorim të vazhdueshëm, dhe strukturat e emergjencave janë në gatishmëri për të ofruar ndihmë. Ky proces është jetik për të vlerësuar pasojat e përmbytjeve dhe për të siguruar mbështetje të duhur për ata që kanë pësuar dëme. Kjo ndihmë është e domosdoshme për rikuperimin e shpejtë të jetës në Ferras dhe për të ndihmuar komunitetin të kthehet në normalitet pas kësaj krize natyrore.
