Ky që shikoni është Astrit Hysenaj, 54-vjeçari që u gjet këtë të enjte i mbytur në qytetin e Durrësit.
Punonjësi i Bashkisë Durrës u gjet pa shenja jete në anë të një kanali kullues pranë ish-repartit ushtarak, pas raportimit për largimin e tij nga banesa gjatë reshjeve të dendura.
55-vjeçari kishte dy ditë që ishte larguar nga banesa, dhe familjarët e tij kishin bërë një kallëzim në polici për humbjen e tij. Madje kishin kërkuar dhe ndihmë publike për gjetjen e Astritit.
Pas disa ditësh pasigurie, sot u konfirmua se trupi i pajetë i Astrit Hysenajt u gjet në një kanal kullues pranë ish-repartit ushtarak.
Paraprakisht dyshohet se ai është marrë nga rrjedha e ujit si pasojë e përmbytjeve të shkaktuara nga reshjet e dendura, duke shënuar kështu viktimën e parë nga moti i keq në Durrës.
