Interi mori një fitore të rëndësishme në transfertë ndaj Parmës, duke triumfuar 2-0 në javën e 19-të të Serie A dhe duke u shkëputur 4 pikë para Milanit dhe Napolit në garën për kreun.
Zikaltërit e zhbllokuan ndeshjen në pjesën e parë me Federico Dimarco (42’), pas një aksioni të ndërtuar mirë, ndërsa në minutat shtesë të takimit, Marcus Thuram vulosi fitoren me golin e dytë (90’+8), duke i dhënë goditjen përfundimtare kundërshtarit.
Parma tentoi të reagojë dhe në fund të ndeshjes madje pa edhe një gol të anuluar, por Interi e menaxhoi me qetësi avantazhin dhe e mbylli takimin me portën e paprekur.
Tani vëmendja kalon te sfida e radhës: të dielën në San Siro, Interi pret një përballje të fortë kundër ekipit të drejtuar nga Antonio Conte.
